29. oktober vert det LIM-fagdag

Likestilling, inkludering og mangfald (LIM) er eit viktig felt – både for kyrkja som arbeidsplass og som eit trusfellesskap. Forventningsdokumentet frå 2021 slår fast at kyrkja har rom for alle og bruk for alle. 

 

I oktober inviterer Kyrkjerådet til digital LIM-fagdag. Det skjer 29. oktober, kl. 09.00–12.00. 

 

– På LIM-fagdagen får vi presentert gode eksempel og konkrete verktøy for systematisk LIM-arbeid, fortel HR-direktør Erik Faye Lindvig. 

 

Dagen er særleg relevant for HR-ansvarlege, leiarar, tilltisvalde, men alle tilsette er velkomne.

 

I år vert mellom anna rasisme og kvardagsdiskriminering sett på programmet, mellom anna med ny forsking frå KIFO om prestar med innvandringsbakgrunn. 

 

HR-direktøren håpar mange vil setje av tidspunktet i kalendaren: 

 

– Hald av tida og inviter gjerne kollegaer! Sjølv om programmet er digitalt, er kollegaer oppmoda om å sitje saman, for å kunne diskutere og snakke ilag, seier Faye Lindvig.