Vandring for forandring

Vandring for forandring er ei årleg pilegrinsvandring for etterlatne etter sjølvmord. Sidan 2012 har Regionalt ressurssenter om vold, traumatisk stress og selvmordforebygging (RVTS) Sør, prostidiakonen i Vest-Telemark, LEVE – Landsforeningen for etterlatte ved selvmord og Agder og Telemark bispedøme samarbeidd om vandringa.

Vandringa går over to dagar, frå Haukeliseter til Røldal kyrkje, langs gamle pilegrimsvegar. Målet er å tilby etterlatne eit alternativ til eksisterande sorgtiltak – eit rom der moderne pilegrimskultur kan knytast til sorgarbeid.

Vegane ligg der, og i enden ventar eit gamalt pilegrimsmål: det sveittande krusifikset i Røldal.

Dei siste seks åra har vandringa vore eit tilbod berre for menn, då fagfolk peikar på menn som ei særleg sårbar gruppe blant etterlatne.

Vandringsrute:

• Dag 1: Ca. 12 km i lett fjellterreng frå Ulevåvatnet til Dyrskar
• Overnatting: Haukeli Hotell i Edland
• Dag 2: Ca. 13 km frå Svandalsflona via Austmannalia til Røldal stavkyrkje
• Avslutning: Markering av Verdsdagen for førebygging av sjølvmord i kyrkja

• Etterlatne ved sjølvmord er ei utsett gruppe.
• Menn er meir utsette for sjølvmord enn kvinner.
• Det er behov for varierte og tilpassa tilbod om sorgstøtte.

Å vandre saman i storslått natur kan opne for samtalar om det vanskelege og det uuthaldelege. Ein deler målet, og opplevinga av å vere på veg.

• Start med kort introduksjon om ruta og eit namnrop: «Kven har du mista?».
• Praten kjem ofte raskt i gang.
• Smale stiar gjev rom for stillheit, breie vegar for samtale.
• God mat og eine-rom gjev høve til å trekke seg attende.
• Siste dagen: kort stopp før målet – nokon som vil dele noko?
• Ved siste middag: gule lappar til evaluering, bilete som fortel om turen, sendast til arrangørane.

• Pilegrimstradisjonen som ramme
  • «Ikkje berre ein gåtur»
  • Ei vandring med eit mål
• Likepersonstøtte
  • Å møte andre i same situasjon
• Hjernebiologi
  • Rørsle og fysisk aktivitet gjer det lettare å kjenne på kjensler og knyte band
• Naturen som verkemiddel
  • Naturopplevingar, tåka som lettar, lyset i enden av tunnelen
  • «Terapi utanfor terapirommet»
• Å delta på eigne premissar
  • Gå saman, gå åleine, snakke, vere stille
• Å delta som heile menneske
  • Etterlatne, men også bonde, brøytebilsjåfør, arkitekt, fiskeentusiast, musikar, geograf, far, son…

«Det var så godt å bruke tankane på å finne ein trygg stad å setje foten… og så var det godt å sjå på dei som gjekk framfor meg», deltakar

«Gnagsår, smerte i kne og rygg – er eigentleg bagatellar mot den psykiske smerta som ein gong var. Har ein overvunne den, er alt mogleg», deltakar

For meir informasjon kan ein vende seg til arrangørane av Vandring For Forandring:

• Eilev Erikstein, prostidiakon i Vest-Telemark, e-post: eilev.erikstein@tokke.kommune.no, mobil: 91113580
• Ole Hafell, diakon i Ung Sorg, og aktiv i LEVE, e-post: oh422@kirken.no, mobil: 93401955
• Øyvind Dåsvatn, spesialrådgjevar RVTS Sør, e-post: oyvind.dasvatn@rvtssor.no, mobil: 97711651

I denne artikkelen kan du lese meir om Vandring for forandring i 2025: Pilegrimsvandring for menn som har mista nokon i sjølvmord: – Me har ein vond fellesnemnar